پاکستان اور سعودی عرب میں دفاعی معاہدہ طے پاگیا

ریاض:سعودی ولی عہد شہزادہ محمد بن سلمان اور وزیراعظم شہباز شریف نے پاکستان اور سعودی عرب کے درمیان "اسٹریٹجک باہمی دفاعی معاہدے" (SMDA) پر دستخط کر دیے ہیں۔ یہ معاہدہ دونوں ملکوں کے درمیان دفاعی تعلقات کو مضبوط بنانے اور خطے میں امن و استحکام کو فروغ دینے کے لیے اہم سنگ میل ہے۔

اس معاہدے کے تحت دونوں ممالک نے فیصلہ کیا ہے کہ اگر کسی ایک ملک پر حملہ کیا گیا تو اسے دونوں کے خلاف حملہ تصور کیا جائے گا اور وہ ایک دوسرے کا دفاع کریں گے۔ اس باہمی دفاعی تعاون کا مقصد علاقائی سلامتی کو یقینی بنانا اور کسی بھی جارحیت کے خلاف مشترکہ ردعمل کو فروغ دینا ہے۔

یہ معاہدہ دونوں ملکوں کی دوستی اور دفاعی شراکت داری کو نئی بلندیوں تک لے جائے گا اور خطے میں امن و استحکام کی کوششوں کو تقویت فراہم کرے گا۔