چینی شہریوں کا مذاق اُڑانے پر مس فن لینڈ سارہ دزافسے سے تاج واپس لے لیا گیا

ہیلسنکی : چینی شہریوں کا مذاق اُڑانے والی فن لینڈ کی حسینہ سارہ دزافسے سے مس فن لینڈ کا تاج واپس لے لیا گیا۔ خبر ایجنسی کے مطابق، سارہ دزافسے نے گزشتہ ماہ تھائی لینڈ میں ہونے والے مس یونیورس مقابلے میں فن لینڈ کی نمائندگی کی تھی اور سوشل میڈیا پر ایک تصویر پوسٹ کی تھی جس میں وہ اپنی آنکھوں کو کنارے سے کھینچ کر ایک چینی کے ساتھ کھانا کھاتے ہوئے نظر آئیں۔ اس تصویر کے ساتھ انہوں نے جو کیپشن لکھا، وہ نسل پرستانہ تھا۔

سارہ کی اس پوسٹ پر چین، جاپان اور جنوبی کوریا میں شدید ردعمل سامنے آیا۔ انہیں سخت تنقید کا سامنا کرنا پڑا، جس پر سارہ نے اپنی اس حرکت پر معذرت بھی کی، لیکن ان کی معذرت کو ناکافی سمجھا گیا۔ اس کے نتیجے میں مس فن لینڈ کے تنظیمی کمیٹی نے سارہ سے ان کا تاج واپس لے لیا۔

فن لینڈ کے وزیراعظم نے بھی اس معاملے پر ردعمل ظاہر کرتے ہوئے کہا کہ یہ ایک غیر سوچا سمجھا اور احمقانہ عمل تھا، جس کے نتیجے میں ملک کو نقصان پہنچا۔ انہوں نے کہا کہ سارہ کی اس حرکت نے فن لینڈ کی شہرت کو متاثر کیا ہے۔

مس فن لینڈ کی تنظیمی کمیٹی نے اس عمل کی شدید مذمت کرتے ہوئے کہا کہ نسل پرستی کو کسی بھی صورت میں برداشت نہیں کیا جائے گا اور اس کے خلاف سخت اقدامات کیے جائیں گے۔