جنرل فیض حمید کے بھائی نجف حمید کرپشن کے الزام میں گرفتار

چکوال : سابق ڈی جی آئی ایس آئی جنرل ریٹائرڈ فیض حمید کے بھائی سابق تحصیلدار نجف حمید کو گرفتار کرلیا گیا ہے۔ نجف حمید کو اینٹی کرپشن نے راولپنڈی کی عدالت سے گرفتار کیا ۔

ذرائع کا کہنا ہے کہ  نجف حمید اینٹی کرپشن چکوال کو مالی فراڈ کے مقدمے میں مطلوب تھے۔ انہوں نے راولپنڈی سے ضمانت قبل از گرفتاری کرا رکھی تھی۔

راولپنڈی کی عدالت سے ضمانت قبل از گرفتاری مسترد ہونے پر  نجب حمید کو گرفتار کرلیا گیا ۔ اینٹی کرپشن کی ٹیم انہیں لے کر چکوال کے لیے روانہ ہو گئی۔