پی سی بی کی جانب سے 2025-26 کے سینٹرل کنٹریکٹ کے لیے مشاورتی عمل کا آغاز

لاہور: پاکستان کرکٹ بورڈ (پی سی بی) نے 2025-26 کے سینٹرل کنٹریکٹ کے لیے مشاورتی عمل کا آغاز کر دیا ہے۔ ذرائع کے مطابق، 27 کھلاڑیوں کی سینٹرل کنٹریکٹ کی کیٹیگریز میں تبدیلیاں متوقع ہیں۔

ذرائع کے مطابق، بابر اعظم، محمد رضوان اور شاہین آفریدی کی موجودہ کیٹیگریز پر نظرثانی کی جائے گی۔ اسی طرح، سعود شکیل، سلمان علی آغا، نعمان علی اور ساجد خان کو سینٹرل کنٹریکٹ میں ترقی ملنے کا امکان ہے۔

حارث رؤف، نسیم شاہ اور شان مسعود کی حالیہ پرفارمنس کا بھی جائزہ لیا جا رہا ہے۔ مزید برآں، فخر زمان، حسن علی اور فہیم اشرف کو بھی سینٹرل کنٹریکٹ ملنے کی امید ہے۔

ذرائع نے یہ بھی بتایا کہ صاحبزادہ فرحان کی حالیہ شاندار کارکردگی کی بنا پر انہیں بھی سینٹرل کنٹریکٹ ملنے کا امکان ہے۔ اس کے علاوہ، ڈومیسٹک کرکٹ پرفارمرز کو ڈی کیٹیگری میں شامل کیا جائے گا۔

یہ تین سالہ سینٹرل کنٹریکٹ کا آخری سال ہوگا۔ یاد رہے کہ تین سالہ مالیاتی اسٹرکچر کی منظوری ذکا اشرف کے دور میں 2023 میں دی گئی تھی۔