رجب بٹ اور سامعہ حجاب کی وائرل ویڈیو پر سوشل میڈیا پر بحث

لاہور: معروف یوٹیوبر رجب بٹ اور ٹک ٹاکر سامعہ حجاب کی ایک نئی ویڈیو سوشل میڈیا پر تیزی سے وائرل ہو رہی ہے، جس نے ایک نئی بحث کو جنم دیا ہے۔ دونوں شخصیات اپنے ماضی کے تنازعات کی وجہ سے پہلے ہی میڈیا کی توجہ کا مرکز رہ چکی ہیں۔ رجب بٹ، جو پاکستان میں قانونی مسائل کے بعد برطانیہ منتقل ہو چکے ہیں، اور سامعہ حجاب، جو دبئی میں مقیم ہیں اور اپنے سابق منگیتر کے خلاف اغوا کے مقدمے میں شہرت حاصل کر چکی ہیں، حالیہ دنوں میں ایک مشترکہ ویڈیو میں نظر آئے ہیں۔

ویڈیو میں رجب بٹ نے سامعہ حجاب کے جسم سے متعلق غیر مناسب تبصرے کیے، جس پر سامعہ نے ہنستے ہوئے جواب دیا۔ رجب بٹ نے سامعہ کے جسم کی خوبصورتی کی تعریف کی، جس پر سامعہ نے جواب دیا کہ ان کا پیٹ باہر نکلا ہوا ہے اور انہیں جم جانے کی ضرورت ہے۔ اس ویڈیو کے وائرل ہونے کے بعد سوشل میڈیا پر اس پر مختلف ردعمل آ رہے ہیں۔

کئی سوشل میڈیا صارفین نے اس ویڈیو کو غیر اخلاقی اور خاندانی اقدار کے خلاف قرار دیا ہے، اور کہا کہ ایسے تبصرے شادیوں اور تعلقات کے لیے بری مثال قائم کرتے ہیں۔ بعض افراد نے یہ بھی کہا کہ ایسے ویڈیوز انفلوئنسرز کے اخلاقی رویوں پر سوالات اٹھاتے ہیں اور انہیں اس بات کا احساس ہونا چاہیے کہ وہ اپنے اثر و رسوخ کو کس طرح استعمال کرتے ہیں۔

اس ویڈیو پر جاری بحث نے ایک مرتبہ پھر سوشل میڈیا پر اخلاقی حدود اور انفلوئنسرز کے رویوں پر سوالات کو جنم دیا ہے۔ لوگ یہ سوال کر رہے ہیں کہ کیا ایسے ویڈیوز واقعی معاشرتی اقدار کی عکاسی کرتے ہیں یا یہ صرف تفریح اور شہرت کے لیے کیے جاتے ہیں۔