اسلام آباد: وفاقی وزیر منصوبہ بندی اسد عمر بھی کورونا وائرس سے متاثر ہوگئے ہیں ۔
تفصیلات کے مطابق وفاقی وزیر اسد عمر نے سماجی رابطوں کی ویب سائٹ ٹویٹر پر بتایا کہ " مجھے ابھی کوروناٹیسٹ کا نتیجہ ملا ہے جو مثبت آیا ہے ۔"
انہوں نے مزید لکھا کہ میں نے اپنے آپ کو دوسرے سے الگ کرلیا ہے ، آئسولیٹ ہوگیاہوں .
واضح رہے کہ فروری 2020 میں پاکستان اس وبا کی لپیٹ میں آیا تھا ۔ اس وقت سے لیکر اب تک کئی نامور شخصیات کورونا کا شکار ہوچکی ہیں ۔
Just got my covid test result and it is positive. Will be isolating at home.
— Asad Umar (@Asad_Umar) December 18, 2020
واضح رہے کہ فروری 2020 میں پاکستان اس وبا کی لپیٹ میں آیا تھا ۔ اس وقت سے لیکر اب تک کئی نامور شخصیات کورونا کا شکار ہوچکی ہیں ۔
پاکستان میں کورونا کے مریضوں کی تعداد میں مسلسل اضافہ ہوتا جارہاہے ، ملک میں گزشتہ روز چھیاسی افراد کی اموات ہوئیں ۔عالمی وبا کورونا کے وائرس کے سبب پاکستان میں اس وبا سے مرنے والوں کی تعداد نو ہزار دو سو پچاس سے تجاوز کرچکی ہے ۔
نیشنل کمانڈ اینڈ کنٹرول آپریشن سنٹر کے مطابق ملک میں تین ہزار ایک سو نواسی نئے کسیز سامنے آئے ہیں مجموعی تعداد چار لاکھ چون ہزار چو سو تہتر ہوگئی ہے ۔
پاکستان میں کورونا کے چار لاکھ چار ہزار پانچ سو ایک مریض صحت یاب ہوچکے ہیں اور چالیس ہزرا نو سو دو زیر علاج ہیں ۔
کورونا کے سبب سب سے زیادہ اموات پنجاب میں ہوئی جہاں تین ہزار پانچ سو اٹھاون افراد جان کی بازی ہار چکے ہیں ۔ جبکہ سندھ میں تین ہزار تین سو دو ، خیبر پختون خواہ میں ایک ہزار پانچ سو اکیس ، اسلام آباد میں تین آٹھاسی گلگت بلتستان میں 99، بلوچستان میں 179 اور آزاد کشمیر میں 203 افراد جان کی بازی ہارچکے ہیں ۔
