حاجی عبدالوہاب کے انتقال پر آرمی چیف کا اظہار افسوس

راولپنڈی: آرمی چیف جنرل قمر جاوید باجوہ نے تبلیغی جماعت کے امیر حاجی عبدالوہاب کے انتقال پر افسوس کا اظہار کیا ہے۔پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر بتایا ہے کہ آرمی چیف نے دعا کی ہے کہ اللہ تعالیٰ حاجی عبدالوہاب کو جنت الفردوس میں اعلیٰ مقام عطا فرمائیں۔

COAS expresses grief on sad demise of renowned religious scholar and Ameer Tableeghi Jamaat Haji Abdul Wahab. Shares grief of bereaved family and the followers. Acknowledges his contributions and prays for his eternal peace at Heaven. Amen.

— Maj Gen Asif Ghafoor (@OfficialDGISPR) November 19, 2018

ڈی جی آئی ایس پی آر کا یہ بھی کہنا ہے کہ جنرل قمر جاوید نے حاجی عبدالوہاب کے لواحقین اور پیروکاروں سے تعزیت کا اظہار بھی کیا ہے۔

واضح رہے کہ تبلیغی جماعت کے امیر حاجی عبدالوہاب 95 سال کی عمر میں گزشتہ روز طویل علالت کے بعد انتقال کر گئے تھے۔