واٹس ایپ کا سٹیٹس شیئرنگ فیچر میں نیا آپشن متعارف کرانے کا فیصلہ

کیلیفورنیا  : دنیا کی سب سے مقبول پیغام رسانی ایپلیکیشن واٹس ایپ نے اپنے سٹیٹس شیئرنگ فیچر میں نیا آپشن متعارف کرانے کا فیصلہ کیا ہے جس کے تحت صارفین کو اپنے سٹیٹس کی پرائیویسی پر بہتر کنٹرول حاصل ہوگا۔ یہ فیچر سٹیٹس پرائیویسی سیٹنگز میں ایک نیا "الاؤ ری شیئر" سوئچ شامل کرے گا، جس کی مدد سے صارفین یہ فیصلہ کر سکیں گے کہ ان کے رابطے ان کا سٹیٹس شیئر کر سکتے ہیں یا نہیں۔

رپورٹس کے مطابق، یہ فیچر سب سے پہلے واٹس ایپ کے اینڈرائیڈ بیٹا ورژن 2.25.16.16 میں نظر آیا تھا اور توقع کی جارہی ہے کہ آنے والے ہفتوں میں یہ عالمی سطح پر متعارف کرایا جائے گا۔ جب یہ آپشن بند ہوگا تو آپ کے سٹیٹس کا فارورڈ آئیکن ناظرین کی اسکرین سے غائب ہو جائے گا، جس سے سٹیٹس کو دوبارہ شیئر کرنے کا امکان ختم ہو جائے گا۔

اس فیچر کا مقصد سٹیٹس کی سیکیورٹی اور پرائیویسی کو بہتر بنانا ہے، کیونکہ جب سٹیٹس فارورڈ کیا جائے گا تو صارف کا فون نمبر اور پروفائل کی تفصیلات پوشیدہ رہیں گی۔ اس نئے فیچر کے ذریعے، واٹس ایپ صارفین کو سٹیٹس شیئرنگ کے حوالے سے مزید کنٹرول فراہم کرے گا، جس سے سٹیٹس شیئرنگ کی اجازت دینے یا روکنے کا فیصلہ صارفین کے ہاتھ میں ہوگا۔