اسلام آباد: وزیر اعظم کی معاون خصوصی برائے اطلاعات ونشریات ڈاکٹر فردوس عاشق اعوان نے قبائلی اضلاع میں پر امن انتخابات کے انعقادپر پوری قوم کو مبارک باد دیتے ہوئے کہا ہے کہ امن کی یہ جیت نئے پاکستان میں استحکام پاکستان کی جانب اہم پیشرفت ہے.
3b0ba91215bc33696ca8b3c901928927
ملکی تاریخ میں پہلی بار تبدیلی کے عمل نے قبائلی علاقوں کے سنگلاخ پہاڑوں پر جمہوریت کے خوبصورت پودے کی نمو ممکن کی،ایک جانب تاریخ رقم ہو رہی تھی،قبائلیوں کو ان کے صبر اور مصائب کا پھل آئینی و جمہوری حقوق کی صورت مل رہا تھا تو دوسری جانب جمہوریت اور آئینی حقوق کا رونا رونے والے اپنے ذاتی مفادات اور اثاثے بچاؤ بیٹھک لگا کر بیٹھے تھے۔
24699994362b38687faa1e3c8cbccd2f
سماجی رابطے کی ویب سائٹ ٹویٹر پر اپنے بیان میں ڈاکٹر فردوس عاشق اعوان نے کہا کہ عوامی حقوق کے نام نہاد ضامن بننے والوں کی قبائلی عوام نے ضمانتیں ضبط کروا دیں،ان کی میڈیا سے ہونے والی گفتگو دیکھ لیں یا ٹوئٹر اکاؤنٹس صرف عمران خان کی عداوت کا زہر ملے گا۔کل قبائلی اضلاع میں ایک تاریخ رقم ہوئی،مگر ان میں سے کسی کو توفیق نہ ہوئی کہ جمہوری عمل کی کامیاب تکمیل پر دو لفظ ہی بول دیتے۔
9f4118a7924ae41f07ca204b4e6056db
ان کی جمہوریت کا مطلب صرف اور صرف ذاتی مفادات کا تحفظ اور اپنی آئندہ نسلوں کو قوم پر مسلط کرنا ہے۔ ڈاکٹر فردوس عاشق اعوان نے کہا کہ اپنی بہادر مسلح افواج اور قانون نافذ کرنے والے اداروں کو خراج تحسین پیش کرتے ہیں جن کی لازوال قربانیوں سے ملک کا امن لوٹا، ڈاکٹر فردوس عاشق اعوان نے کہا کہ قبائلی عوام کی بڑی تعداد نے اپنے ووٹ کا آئینی اور جمہوری حق استعمال کیا جو قابل تعریف ہے۔
75149167cde0dd4809b22d49323e299b
انہوں نے کہا کہ پاکستان نے دہشت گردی کے خلاف جنگ میں بے مثال قربانیاں دی ہیں اور ان قبائلی علاقوں میں امن اور استحکام کے قیام کے لیے اپنا اہم کردار ادا کیا ہے۔فردوس عاشق اعوان نے امید ظاہر کی کہ علاقے کے نئے منتخب نمائندے علاقے کی ترقی کے عمل میں اہم کردار ادا کریں گے۔
874f46ce534c007afaf284746a3a74b2انہوں نے کہا کہ علاقے میں امن وامان کی بحالی کے لیے مسلح افواج اور سول اداروں کی قربانیوں کو سراہا۔
