لاہور: پاکستان پیپلز پارٹی نے پارٹی لائن سے تجاوز کرنے پر لطیف کھوسہ کی پارٹی رکنیت ختم کردی۔
پیپلز پارٹی سنٹرل پنجاب آفس میں وال آف شیم کے افتتاح کے بعد میڈ یا سے بات کرتے ہوے قائم مقام صدر رانا فاروق سعید نے سینئر قانون دان اور پیپلز پارٹی کے رہنما لطیف کھوسہ کی پارٹی رکنیت ختم کر دی گئی ہے۔
فاروق سعید نے کہا کہ لطیف کھوسہ نے پارٹی کی ریڈ لائن کراس کی جس پر ان کے خلاف کارروائی کی گئی ہے۔ انہوں نے کہا کہ لطیف کھوسہ کو بار بار یاد دلایا کہ وہ پارٹی لائن اور مقررہ حدود سے تجاوز نہیں کریں گے، انہوں نے ہدایات پر عمل نہیں کیا۔
3eeb8ae037dc4d5c786cafddeadd601d
پیپلز پارٹی پنجاب کے صدر نے یہ بھی کہا کہ پی پی پی میں بطور وکیل آنے والے لطیف کھوسہ مراعات لیتے رہے جب کہ وہ اپنے بیٹے کو بھی اٹارنی جنرل لگانا چاہتے ہیں۔
پیپلز پارٹی سینٹرل پنجاب آفس میں 'وال آف شیم' کے افتتاح پر دیوار شرمندگی پر لطیف کھوسہ کی تصویر لگائی گئی جس پر سرخ کراس کا نشان بنا تھا۔
