اسلام آباد: وفاقی کابینہ نے وزیروں اور وزرائے مملکت کی تنخواہوں میں 188 فیصد اضافے کی سمری منظور کرلی۔ اس فیصلے کے بعد وفاقی وزیر، وزیر مملکت اور مشیر کی ماہانہ تنخواہ 5 لاکھ 19 ہزار روپے ہوجائے گی۔
ذرائع کے مطابق، وفاقی وزیروں، وزرائے مملکت، اور مشیروں کی تنخواہوں میں یہ اضافہ وفاقی سیکریٹری کی تنخواہ کے برابر کرنے کے اقدام کے تحت کیا گیا ہے، جس پر دو ماہ قبل قومی اسمبلی کی فنانس کمیٹی نے اتفاق کیا تھا۔
اس اضافے کی منظوری اسپیکر ایاز صادق کی سربراہی میں قومی اسمبلی کی فنانس کمیٹی نے متفقہ طور پر دی تھی۔
