اسلام آباد : وزیر اعظم عمران خان نے لینڈ ریکارڈ کے ڈیجیٹل سروے اور قبضہ کی زمینوں کی تفصیلات جاری کرتے ہوئے کہا ہے کہ ای وی ایم پر احتجاج کی طرح لینڈ ریکارڈ کی ڈیجیٹل میپنگ کے دوران بھی احتجاج کیا گیا،قبضہ مافیا اور ان کے سہولت کاروں کے خلاف سخت ایکشن لیا جائیگا.
EVMS پر احتجاج کیطرح جب ہم نےڈیجیٹل لینڈ ریکارڈز کیلئےپاکستان کی کیڈیسٹرل میپنگ کا آغاز کیاتو ہمیں شدید مزاحمت کاسامنا ہوا۔سرکاری اراضی کےسروےکےپہلے مرحلے کےنتائج سے اس مزاحمت کی وجوہات سامنے آ گئیں کہ سیاسی اشرافیہ لینڈ مافیا کےساتھ ملکر جنگلات سمیت بڑے سرکاری رقبے پر قابض تھی pic.twitter.com/7rpykYQ3xB
— Imran Khan (@ImranKhanPTI) November 21, 2021
وزیراعظم نے ٹویٹ کرتے ہوئے کہا ہےکہ کراچی،لاہور اسلام آباد اور ریاست کی تقریبا 5595 ارب کی مالیت کی زمین پر قبضہ ہے،جنگلات کی 1869 ارب کی زمینوں پر قبضہ ہے،فاریسٹ کور کی کمزوری کیوجہ سے زمینوں پر قبضہ ہوا ۔
جنگلات کی زمینوں پر لینڈ مافیا کے اس قبضے سے پاکستان کو جنگلات کے مناسب حجم کے حوالے سے درپیش موجودہ کمی میں مزید شدت پیدا ہوئی۔
— Imran Khan (@ImranKhanPTI) November 21, 2021
اس مصدقہ ڈیجیٹل ریکارڈ کی مدد سے اب ہم ان لینڈ مافیاز اور انکے سہولت کاروں کیخلاف کارروائی کریں گے۔
انہوں نے کہا کہ درست ڈیجیٹل میپنگ کے بعد قبضہ مافیا کے خلاف سخت کاروائیاں ہونگی،سروے کے نتائج سے پتہ چلا احتجاج کیوں کیا جارہا تھا،سیاسی اشرافیہ،قبضہ مافیا ریاستی اور جنگلات کی زمینوں پر قابض تھے.
