کراچی : ایچ بی ایل پی ایس ایل 10 کے گیارہویں میچ میں کراچی کنگز نے دلچسپ مقابلے کے بعد پشاور زلمی کو 2 وکٹوں سے شکست دے دی۔
میچ کراچی میں کھیلا گیا جہاں کراچی کنگز نے ٹاس جیت کر پہلے بولنگ کا فیصلہ کیا۔ پشاور زلمی نے پہلے بیٹنگ کرتے ہوئے 20 اوورز میں 8 وکٹوں کے نقصان پر 147 رنز بنائے۔ بابر اعظم نے سب سے زیادہ 46 رنز بنائے، محمد حارث نے 28، الزاری جوزف نے 24 اور حسین طلعت نے 18 رنز کا اضافہ کیا۔ کراچی کنگز کی جانب سے خوشدل شاہ اور عباس آفریدی نے شاندار بولنگ کا مظاہرہ کرتے ہوئے 3،3 وکٹیں حاصل کیں۔
جواب میں کراچی کنگز نے ہدف آخری اوور کی تیسری گیند پر حاصل کر لیا۔ ڈیوڈ وارنر نے جارحانہ بلے بازی کرتے ہوئے 60 رنز بنائے، جبکہ خوشدل شاہ 23 رنز کے ساتھ ناٹ آؤٹ رہے۔ پشاور زلمی کے لیوک ووڈ نے 3 اور علی رضا نے 2 وکٹیں حاصل کیں، لیکن اپنی ٹیم کو فتح نہ دلا سکے۔
