ممبئی، پولیس نے نائٹ کلب پر چھاپے کے دوران اداکار ہریتک روشن کی سابق اہلیہ سوزین خان اور بھارتی کرکٹر سریش رائنا سمیت 35 لوگوں کو گرفتار کرلیا ۔
بھارتی میڈیا کا کہنا ہے کہ پولیس نے کورونا ایس او پیز کی خلاف ورزی پر ممبئی کے پوش علاقے میں چھاپہ مارا ۔ پولیس ٹیم نے نائٹ کلب پر چھاپے کے دوران جن لوگوں کو گرفتار کیا ان میں شہر کی کئی ممتازشخصیات شامل تھیں ۔ گرفتار ہونے والوں میں بھارتی اداکار ہریتک روشن کی سابق اہلیہ اور بھارتی کرکٹر سریش رائنا بھی شامل تھے ۔ پولیس نے خواتین کو تنبیہ کرکے گھر جانے دیا جبکہ مردوں کے خلاف مقدمہ درج کرلیا ۔
واضع رہے کہ سوزین خان اور ہریتک روشن کے درمیان 2014 میں علیحدگی ہوگئی تھی ۔ جبکہ سریش رائنا نے حال ہی میں کرکٹ سے ریٹائرمنٹ کا اعلان کیا تھا ۔
