پاکستان سٹاک ایکسچینج میں تیزی کا رجحان برقرار، ڈالر کی قیمت میں کمی

کراچی : پاکستان سٹاک ایکسچینج میں مسلسل تیزی کا رجحان برقرار ہے، جب کہ تبادلہ مارکیٹ میں ڈالر کی قیمت میں بھی کمی آئی ہے۔ کاروباری ہفتے کے پہلے روز سٹاک مارکیٹ میں کاروبار کا آغاز منفی رہا، تاہم تھوڑی دیر بعد مارکیٹ نے مثبت زون میں قدم رکھا، اور 18 پوائنٹس کے اضافے کے ساتھ 100 انڈیکس 1,71,422 پوائنٹس پر ٹریڈ کرتا نظر آیا۔

گزشتہ ہفتے بھی اسٹاک مارکیٹ میں مثبت رجحان رہا تھا، جس کے باعث 100 انڈیکس ملکی تاریخ کی بلند ترین سطح پر پہنچا تھا۔

دوسری جانب، انٹر بینک میں ڈالر کی قیمت میں کمی کا سلسلہ برقرار ہے۔ ایکسچینج کمپنیز ایسوسی ایشن کے مطابق، ڈالر کی قیمت 5 پیسے کمی کے بعد 280 روپے 20 پیسے ہو گئی ہے۔