وجے دیوراکونڈا اور رشمیکا مندانا نے اپنی شادی کے لیے بیرون ملک سکیورٹی خدمات حاصل کرلیں

ممبئی : بالی وڈ اداکار وجے دیوراکونڈا اور اداکارہ رشمیکا مندانا نے اپنی شادی کے لیے بیرون ملک سے سکیورٹی خدمات حاصل کرنے کا فیصلہ کیا ہے۔ بھارتی میڈیا کی رپورٹس کے مطابق، ان کی شادی رواں ماہ کی 26 تاریخ کو ادے پور میں ہو گی، جو ایک مشہور ڈیسٹینیشن ویڈنگ مقام ہے جہاں کئی معروف شخصیات پہلے بھی شادی کر چکی ہیں۔

یہ شادی ایک نجی تقریب ہوگی جس میں صرف جوڑے کے قریبی دوست اور رشتہ دار شریک ہوں گے۔ ادے پور میں یہ تقریب ایک بڑے رقبے پر منعقد ہو گی، اور سکیورٹی کے سخت انتظامات کیے جا رہے ہیں۔ میڈیا رپورٹس کے مطابق، اداکار جوڑی نے بیرون ملک سے سکیورٹی کی خدمات حاصل کی ہیں، جو راجستھان کے مقامی سکیورٹی گارڈز کے ساتھ مل کر کام کریں گے۔

شادی کے بعد، 4 مارچ کو حیدرآباد میں وجے اور رشمیکا کی طرف سے فلم انڈسٹری سے تعلق رکھنے والے دوستوں کے لیے ایک شاندار استقبالیہ بھی منعقد کیا جائے گا۔

یاد رہے کہ وجے دیوراکونڈا اور رشمیکا مندانا نے گزشتہ سال 3 اکتوبر کو منگنی کی تھی، اور حال ہی میں اداکار کے شادی کے کارڈ کا بھی منظرعام پر آنا تھا۔