امجد صابری کی دسویں برسی، ملک بھر میں مداحوں کا خراجِ عقیدت

کراچی: نامور صوفی قوال اور نعت خواں امجد صابری کی دسویں برسی پیر کے روز عقیدت و احترام کے ساتھ منائی گئی۔

کراچی میں 23 دسمبر 1976 کو پیدا ہونے والے امجد صابری نے اپنے فنی سفر کا آغاز کم عمری میں اپنے والد اور چچا کے مشہور قافلے “صابری برادرز” کے ساتھ بطور کورس گلوکار کیا۔

ان کے یادگار اور مقبول کلاموں میں میں نظر کروں جانِ جگر، اللہ اللہ، دھوم مچا دو، کعبے کی رونق، کاش یہ دعا میری، علی میرا دل، پھر دکھا دے حرم اور طلوعِ سحر ہے شامِ قلندر شامل ہیں۔

امجد صابری کی پیش کردہ قوالیوں تاجدارِ حرم اور بھر دو جھولی نے انہیں غیر معمولی شہرت دلائی اور وہ دنیا بھر میں اپنے مداحوں کے دلوں میں ایک منفرد مقام بنا گئے۔

انہوں نے قوالی کے روایتی فن کو جدید انداز میں پیش کرتے ہوئے اسے عالمی سطح پر نئی پہچان اور مقبولیت عطا کی۔

حکومت پاکستان نے ان کی فنی خدمات کے اعتراف میں انہیں پرائیڈ آف پرفارمنس اور تمغۂ حسنِ کارکردگی سے نوازا۔

امجد صابری 2016 میں کراچی میں فائرنگ کے ایک افسوسناک واقعے میں جان کی بازی ہار گئے تھے۔