کلثوم نواز آئی سی یو سے باہر آ گئیں، طبیعت بہتر ہے، مریم نواز

اہم خبریں پاکستان 
 
کلثوم نواز آئی سی یو سے باہر آ گئیں، طبیعت بہتر ہے، مریم نواز

لندن: سابق وزیر اعظم کی صاحبزادی مریم نواز نے کہا ہے کہ ان کی والدہ اور سابق خاتون اول بیگم کلثوم نواز آئی سی یو سے باہر آ گئی ہیں۔ اپنے ٹویٹ پیغام میں مریم نواز نے مزید بتایا کہ گزشتہ روز کے آپریشن کے بعد بیگم کلثوم نواز کی طبیعت بہتر ہو رہی ہے۔مریم نواز نے اپنی والدہ کے لیے دعائیں کرنے والوں کا شکریہ بھی ادا کیا ہے۔

مریم نواز نے اپنے ٹویٹ پیغام میں اپنی والدہ کی آئی سی یو سے باہر آنے کی تصویر بھی شیئر کی ہے جس میں ان کے ساتھ سابق وزیر اعظم میاں نواز شریف بھی نظر آرہے ہیں۔

کرغزستان، پاکستانی طلبہ کے ہاسٹلز پر مقامی افراد کے حملے، متعدد طلبہ زخمی

واضح رہے کہ سابق وزیر اعظم میاں نواز شریف کی اہلیہ بیگم کلثوم نواز گلے کے کینسر کے باعث برطانیہ کے دارالحکومت لندن میں علاج کے لیے مقیم ہیں۔ اب تک ان کی 3 سرجریاں ہو چکی ہیں اور بیگم کلثوم نواز کا تیسرا آپریشن گزشتہ روز لندن کے اسپتال میں کیا گیا۔ یاد رہے سابق وزیر اعظم اور مریم نواز بیگم کلثوم نواز کی تیمارداری کے لیے لندن میں مقیم ہیں۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں