دبئی:انٹرنیشنل کرکٹ کونسل نے ون ڈے رینکنگ جاری کردی۔ بلے بازوں میں قومی ٹیم کے کپتان بابر اعظم کی پہلی پوزیشن برقرار ہے۔ امام الحق ہمبنٹوٹا میں افغانستان کے خلاف پہلے ون ڈے میں 94 گیندوں پر 61 رنز بنا کر آئی سی سی ون ڈے رینکنگ میں تیسرے نمبر پر آگئے ہیں۔
آئی سی سی رینکنگ کے مطابق بلے بازوں کی فہرست میں بابر کےبعد جنوبی افریقا کے رسی وین ڈر ڈوسن کا دوسرا نمبر ہے جب کہ پاکستان کے امام الحق ایک درجے ترقی کے بعد تیسرے نمبر پر آگئے ہیں۔
8978ca86f1181637d6615b88cd21fcaa
ون ڈے بیٹرز کی رینکنگ میں بھارت کے شبمن گل ایک درجے ترقی کے بعد چوتھے نمبر پر آگئے ہیں جب کہ پاکستان کے فخر زمان کی دو درجے تنزلی ہوئی اور وہ پانچویں نمبر پر ہیں۔
ون ڈے بولرز میں آسٹریلیا کے جوش ہیزل ووڈکا پہلا نمبر برقرار ہے،جبکہ افغانستان کے مجیب الرحمان 3 درجے ترقی کے بعد تیسرے اورفاسٹ بولر حارث رؤف رینکنگ میں 7 درجے بہتری کے بعد 36 ویں نمبر پر آگئے ہیں۔
ون ڈے آل راؤنڈرز میں بنگلادیش کے شکیب الحسن کا پہلا نمبر ہے۔
