لاہور: قومی کرکٹ ٹیم کے 9 کھلاڑی ایک روزہ میچوں کی سیریز میں شرکت کے لیے نیوزی لینڈ روانہ ہوگئے۔
ذرائع کے مطابق پاکستانی اسکواڈ کے کھلاڑی لاہور سے دبئی کے راستے نیوزی لینڈ پہنچیں گے۔ روانہ ہونے والوں میں کپتان بابر اعظم، وکٹ کیپر بیٹر محمد رضوان، آل راؤنڈر فہیم اشرف، اوپنر امام الحق، عبداللہ شفیق، طیب طاہر سمیت دیگر شامل ہیں۔
دوسری جانب، اسکواڈ کے باقی کھلاڑی پہلے سے ہی ٹی20 سیریز کے لیے نیوزی لینڈ میں موجود ہیں اور ٹی20 سیریز ختم ہونے کے بعد ون ڈے اسکواڈ کو جوائن کریں گے۔
پاکستان اور نیوزی لینڈ کے درمیان تین ون ڈے میچوں کی سیریز 29 مارچ سے 14 اپریل تک کھیلی جائے گی۔
واضح رہے کہ نیوزی لینڈ کو پاکستان کے خلاف پانچ میچوں کی ٹی20 سیریز میں 1-3 کی فیصلہ کن برتری حاصل ہے۔
محمد رضوان (کپتان)، سلمان علی آغا (نائب کپتان)، عبداللہ شفیق، امام الحق، طیب طاہر، بابر اعظم، ابرار احمد، عاکف جاوید، فہیم اشرف، خوشدل شاہ، محمد علی، محمد وسیم جونیئر، محمد عرفان خان، نسیم شاہ، سفیان مقیم۔
