پاکستان شاہینز نے بنگلہ دیش اے کو فائنل میں شکست دے کر ایشیا کپ رائزنگ سٹارز ٹی ٹوئنٹی کا ٹائٹل جیت لیا

دوحہ: پاکستان شاہینز نے بنگلہ دیش اے کو سنسنی خیز فائنل میں شکست دے کر ایشیا کپ رائزنگ سٹارز ٹی ٹوئنٹی کا ٹائٹل اپنے نام کر لیا۔

فائنل میچ میں پاکستان شاہینز نے پہلے بیٹنگ کرتے ہوئے مقررہ 20 اوورز میں 125 رنز بنائے اور مکمل طور پر آؤٹ ہو گئے۔ پاکستان کے لئے سعد مسعود نے 38 رنز کی اہم اننگز کھیلی، جبکہ عرفات منہاس نے 25 رنز اور معاذ صداقت نے 23 رنز بنائے۔

بنگلہ دیش اے کی بولنگ میں ریپون منڈول نے شاندار پرفارمنس دکھاتے ہوئے 4 اوورز میں 3 وکٹیں حاصل کیں، جبکہ راکبول حسن نے 2 وکٹیں حاصل کیں۔ ایس ایم مہروب، جیشن عالم، اور عبدالغفار ثقلین نے ایک ایک وکٹ حاصل کی۔126 رنز کے ہدف کے تعاقب میں بنگلہ دیش اے کی ٹیم بھی دباؤ میں دکھائی دی، اور 20 اوورز میں 125 رنز ہی بنا سکی۔ اس طرح میچ ٹائی ہو گیا اور فیصلہ سپر اوور میں جانے لگا۔

سپر اوور میں بنگلہ دیش اے نے صرف 6 رنز بنائے۔ بنگال ٹائیگرز کے ریپون منڈول نے 8، عبدالغفار ثقلین نے 15 اور ایس ایم مہروب نے 19 رنز بنائے۔ قومی ٹیم کی جانب سے احمد دانیال نے دو کھلاڑیوں کو آؤٹ کیا، اور پاکستان شاہینز نے 7 رنز کا ہدف بغیر کسی نقصان کے صرف چار گیندوں پر پورا کر لیا۔

یوں، پاکستان شاہینز نے ایک سنسنی خیز اور دل چسپ مقابلے کے بعد ایشیا کپ رائزنگ سٹارز ٹی ٹوئنٹی کا ٹائٹل جیتا اور بنگلہ دیش اے کو شکست دی۔