'اور شرمندہ نہ کریں، قومی ٹیم کو فلائٹ لے کر پاکستان واپس آ جانا چاہیے'

چنئی: انٹرنیشنل کرکٹ کونسل (آئی سی سی) ورلڈ کپ میں افغانستان سے بدترین شکست کے بعد پاکستانی شائقین بشمول سابق کرکٹرز قومی ٹیم سے مایوسی کا اظہار کرتے ہوئے ٹیم کو شدید تنقید کا نشانہ بھی رہے ہیں۔ 

چنئی کے ایم اے چدمبرم اسٹیڈیم میں آئی سی سی مینز کرکٹ ورلڈ کپ 2023 میں افغانستان نے پاکستانی ٹیم کو آٹھ وکٹوں سے شکست  دی۔ جیت کے لیے 283 رنز کے تعاقب میں افغانستان کے ابراہیم زدران (87)، رحمت شاہ (77 ناٹ آؤٹ)، رحمن اللہ گرباز (65) اور کپتان حشمت اللہ شاہدی (ناٹ آؤٹ 48) نے شاندار اننگزکھیل کر آخری اوور بچاتے ہوئے باآسانی اپنا ہدف حاصل کرلیا۔

افغانستان کا پہلا بڑا اپ سیٹ تب دیکھنے کو ملا جب  اس نے دفاعی چیمپئن انگلینڈ کو شکست دی تھی۔

یہ آئی سی سی ون ڈے ورلڈ کپ 2023 میں دونوں ٹیموں کا پانچواں میچ تھا۔ ورلڈ کپ 2023کے سٹینڈنگ ٹیبل میں پاکستان چار پوائنٹس کے ساتھ پانچویں نمبر پر ہے اور افغانستان کل کی جیت کے بعد چار پوائنٹس کے ساتھ ٹیبل میں سب سے نیچے سے چھٹے نمبر پر آ گیا ہے۔

یہ ون ڈے میں پاکستان کے خلاف افغانستان کی پہلی جیت بھی تھی،اس سے قبل پاکستان اور افغانستان 7 ون ڈے میچز میں آمنے سامنے آ چکے تھے جن میں سے تمام پاکستان نے جیتے۔ 

سابق پاکستانی کرکٹر سعید اجمل کا کہنا تھا کہ افغانستان کو ان کی تاریخی فتح پر بہت مبارک ہو، آج کے میچ میں افغانی ٹیم ہر لحاظ سے پاکستان سے بہتر تھی۔ ہماری باؤلنگ تو خراب تھی ہی لیکن فیلڈنگ اس سے بھی بری تھی۔ 

43dabbaaed11f09d3ead1dea85531021

محمد حفیظ کی جانب سے پاکستان کی شکست پر صرف ٹوٹے دل کے ساتھ تکلیف دہ کا ردعمل دیکھنے کو ملا۔

80e089ccf601c77026820ba865679f73

پاکستان کی اس شرمناک شکست پر شائقین کی جانب سے بھی غم و  غصے کا ملا جلا ردعمل دیکھنے کو ملا۔ 

کچھ شائقین کا کہنا تھا کہ بابر اعظم کی قیادت والی ٹیم ٹاپ 4 میں شامل ہونے کی مستحق نہیں ہے، جبکہ دوسروں کا خیال ہے کہ گرین شرٹس اس شکست کے بعد  ورلڈ کپ کی دوڑ میں واپس نہیں آسکتی۔

ddcd5419ec3e5fea0a2058da81e3da24

مومن ثاقب کی طرف سے افغانستان سے شکست کے بعد  کہا گیا کہ ہم چار سال تک اس موقع کا انتظار کرتے ہیں، بھارت میں کھیلے جانے والے ورلڈ کپ میں ہمارے لیے کرنے کو بہت کچھ تھا، کب تک ہم دل دل پاکستان کرتے رہیں گے، ویڈیو کے اختتام پر مومن ثاقب نے طنزیہ انداز میں کہا بابر ' ہمیں تم سے پیار ہے'۔ 

5dd0443524f80c76a2b4bac2b0c7606b

پاکستانی شائقین کا پاکستان کی شرمناک شکست پر ردعمل

7e5d51c2324f296c333f78fa794558bd

cfac163e9f5eecac029187bf26d2f101

c496847143704d9206c6331f8097e3f0

53c43b752c80bf1c24b8d11bfdbc320f

5992f3859480c67c1351d47157478014

5d70e693f3eaa0c5dc420ae3d308971f

بھارت بشمول اس کے سپورٹس جرنلسٹ کی جانب سے بھی پاکستان کو کل کی شکست کے بعد تنقید کا نشانہ بنایا گیا۔ 

6d533e9a5f84b556fcf826556bc615dc

9a6af043a56d42525761b2d7ce73fbb9

یاد رہے کہ حال ہی میں پی سی بی نے کھلاڑیوں کی تنخواہ میں 200 فیصد اضافہ کیا ہے لیکن ان کی کارکردگی میں 200فیصد کم ہوگئی ہے۔بھارت سےیک طرفہ ہار کے بعد افغانستان جیسی ٹیم کے کے ہاتھوں شکست کا کوئی جواز نہیں پیش کیا جاسکتا۔

کل افغانستان کے ساتھ میچ میں پاکستانی کھلاڑیوں کی باڈی لینگویج کسی بھی طرح بڑی ٹیم جیسی نہیں تھی۔ اعتماد سے عاری کھلاڑی پہلے بیٹنگ کے دوران افغان اسپنرز کے سامنے لرزتے ، سہمے رہے۔ پھراسکور کے دفاع میں بولرزکے اوسان تو ایسے خطا ہوئے کہ وہ وکٹیں لینا ہی بھول گئے۔

جس پچ پر پاکستان کیلئے ایک ایک رن کا حصول مشکل ہورہا تھا وہیں افغان اوپنرز نے پاکستانی بولرز کی رہی سہی ساکھ آسانی سے رنز بناکر خاک میں ملادی۔ ٹورنامنٹ میں پاکستان کی بولنگ کارکردگی بہت بڑا سوالیہ نشان ہے۔

 ٹیم مینجمنٹ اور کپتان کا میدان میں کوئی کردار نظر نہیں آرہا۔ بابر اعظم کی بیٹنگ فارم تو باعث تشویش ہے ہی لیکن ان کی قائدانہ صلاحیت تو بالکل ہی عیاں ہوچکی ہے۔ وہ فیلڈنگ میں بت بنے کھڑے رہتے ہیں۔ وہ مشکل سے ہی فیلڈرز اور بولرز کا حوصلہ بڑھاتے دکھائی دیتے ہیں۔  شاہین شاہ آفریدی توقعات پوری نہیں کرپارہے جبکہ حارث رؤف، حسن علی، شاداب خان اور محمد نواز تو شاید ٹائم ہی پاس کررہے ہیں۔

پاکستان ٹیم چند ہفتے قبل نمبر ون اور بولنگ اٹیک دنیا کا خطرناک ترین اٹیک قرار دیا جاتا تھا۔ لیکن اب اس کیلئے حریف بیٹرز کو آؤٹ کرنا چیلنج بن چکا ہے۔