مشہور کلاسیکل گلوکارہ ترنم ناز کا ذاتی دکھ، زندگی کی سب سے بڑی غلطی کا اعتراف

لاہور: پاکستان کی معروف کلاسیکل گلوکارہ ترنم ناز نے حال ہی میں اپنے ذاتی دکھ کا اظہار کیا اور مداحوں کو بتایا کہ انھیں اپنی زندگی کی سب سے بڑی غلطی کا سامنا کرنا پڑا۔

نیو نیوز کے شو"زبردست"  میں شرکت کے دوران، ترنم ناز نے اپنی زندگی کے تلخ تجربات کو شیئر کرتے ہوئے کہا کہ انھوں نے اپنی محنت سے کمائی ہوئی زمین خرید کر ایک خوبصورت گھر بنایا تھا۔ لیکن جب بچوں کو وہ گھر ان کے نام کر دیا، تو جب وہ بڑے ہوئے اور ان کی شادی ہوئی، انھوں نے اس گھر میں اپنا حصہ مانگنا شروع کر دیا۔

گلوکارہ نے افسوس کا اظہار کرتے ہوئے کہا کہ یہ فیصلہ ان کی زندگی کی سب سے بڑی غلطی ثابت ہوا، جس کا رنج انھیں ہمیشہ رہے گا۔ ان کا کہنا تھا کہ اگر وہ یہ گھر اپنے نام رکھتے تو صورت حال مختلف ہوتی اور بچوں کے ساتھ تعلقات میں بھی بہتر صورتحال ہوتی۔

ترنم ناز نے مزید کہا کہ وہ اپنے بچوں کی تابعداری کو سراہتی ہیں، مگر ایک والدین کی حیثیت میں اپنی ملکیت بچوں کے نام کرنا ایک سنگین فیصلہ تھا جس نے اُن کی زندگی پر گہرے اثرات مرتب کیے۔

ترنم ناز کا شمار پاکستان کی لیجنڈری کلاسیکل گلوکاراؤں میں کیا جاتا ہے، اور انھیں کلاسیکل موسیقی میں نمایاں کارکردگی پر حکومت پاکستان کی جانب سے پریڈ آف پرفارمنس بھی عطا کی گئی ہے۔