اسلام آباد ، پاکستان ٹیلی ویژن کی پہلی نیو ز کاسٹر کنول نصیر انتقال کرگئیں ۔ کنول نصیر شوگر کے عارضے میں مبتلا تھیں ۔ اور پچھلے کئی دنوں سے اسلام آباد کے ایک ہسپتال میں زیر علاج تھیں ۔
73 سالہ کنول نصیر پچھلی پانچ دہائیوں سے پاکستان ٹیلی ویژن اور ریڈیو پاکستان سےوابستہ رہیں ۔
کنول نصیر نے 26 نومبر 1964 میں پاکستان ٹیلی ویژن کے قیام کے وقت پہلی اناؤنسمنٹ کی تھی اور ان کے الفاظ تھے کہ میر ا نام کنول نصیر ہے آج پاکستان میں ٹیلی ویژن آگیا ہے ۔ آپ کو مبارک ہو ۔
حکومت پاکستان نے ان کی خدمات کے اعتراف میں انہیں پرائڈآف پرفارمنس سے نوازا تھا ۔
کنول نصیر پاکستان ٹیلی ویژن کی پہلی ڈرامہ ہیروئن بھی تھیں انہوں نے پی ٹی وی کے پہلے ڈرامے " نذرانہ " میں اداکار قوی خان کے مقابل مرکزی رول ادا کیا تھا ۔
