اسلام آباد: پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے مارچ لیکر ڈی چوک پہنچنے کا اعلان کر دیا۔
سماجی رابطے کی ویب سائٹ ٹوئٹر پر اپنے ویڈیو پیغام میں عمران خان نے کہا کہ اللہ کے علاوہ ہمیں کسی کے سامنے جھکنے کی ضرورت نہیں،موقع مل رہا ہے ،ہم غلام رہیں یا آزاد ہوجائیں،قوم اسے ضائع نہ ہونے دے۔ انہوں نے عوام سے آزادی مارچ کیلئے گھروں سے نکلنے کی اپیل کردی۔
چئیرمین پاکستان تحریک انصاف عمران خان کا اہم پیغام- #حقیقی_آزادی_مارچ pic.twitter.com/S5vJg0CJ24
— PTI (@PTIofficial) May 24, 2022
عمران خان نے ویڈیو پیغام میں مزید کہا کہ اگر ہم اب نہیں نکلے تو آئندہ نسلیں ہمیں معاف نہیں کریں گی،موقع ملا ہے کہ اپنے ملک کو حقیقی طور پر آزاد کراسکیں،کامیاب ہوگئے تو ان کٹھ پتلیوں سے بھی آزاد ہوجائیں گے، ایک ہی مطالبہ ہے اسمبلی تحلیل کریں اور الیکشن کرائیں۔
