بین ہین کے فن پاروں نے اپنے فن سے دیکھنے والوں کو حیران کر دیا

بیلجیم: بیلجیم کے آرٹسٹ بین ہین کا پینٹگز بنانے میں کوئی ثانی نہیں ، یہ فنکار رنگوں کا ایسا جادو بکھیرتا ہے کہ دیکھنے والے اصل اور نقل کی پہچان نہ کر پائیں ۔

بیلجیم کے 33 سالہ بین ہین کے ہاتھوں میں جادو ہے ۔ بین جیتے جاگتے انسانوں کو خوبصورت پینٹنگز میں بدل دیتا ہے ، یہ فنکار جب کینوس اور انسانوں پر رنگ بکھیرتا ہے تو ایسے شاندار فن پارے تخلیق پاتے ہیں کہ دیکھنے والے دنگ رہ جائیں ۔ 

بین ہین انسانی جسم کو اپنی پینٹنگز کا ہی حصہ بنا دیتا ہے ۔ ایک پل کے لیے تو یقین کرنا مشکل ہوجائے کہ انسان ہیں یا چلتے پھرتے مجسمے ۔ بین کو ایک امیج تیار کرنے میں پانچ گھنٹے لگتے ہیں ۔ 

یہ حیرت انگیز فنکار انقرہ ، ماسکو اور برسلز میں اپنی مہارت دکھا چکا ہے ۔