لاہور : پاکستان میں کورونا سے مزید 42 مریض دم توڑ گئے ہیں جس کے بعد اموات کی تعداد 27 ہزار ، 524 ہوگئی ہے ۔
نیشنل کمانڈ اینڈ آپریشن سنٹر (این سی او سی) کی جانب سے جاری اعداد و شمار کے مطابق 2 ہزار ، 60 نئے کیس رپورٹ ہونے کے بعد ملک بھر میں متاثرین کی مجموعی تعداد 12 لاکھ ، 36 ہزار ، 888 تک جا پہنچی ہے ۔
این سی او سی کے مطابق ،24 گھنٹے کے دوران ملک بھر میں 44 ہزار ، 958 کورونا ٹیسٹ کیے گئے جبکہ مثبت کیسز کی شرح 4.58 فیصد رہی ۔ ملک بھر میں اس وقت مجموعی طور پر 4 ہزار ، 267 مریضوں کی حالت تشویشناک ہے ۔
دوسری جانب دھوکہ دہی اور جعلی کورونا سرٹیفیکٹ حاصل کرنے پر نادرا حکام نے اپنے ردعمل میں کہا کہ سینٹرز پر ویکسینیشن عمل یا ڈیٹا رجسٹریشن سے نادرا کا کوئی تعلق نہیں ، ہیلتھ ورکرز مستعدی سے کووڈ ویکسینیشن ڈیٹا کا اندراج کر رہے ہیں ۔ چند کالی بھیڑیں ان کی شاندار خدمات کو نقصان نہیں پہنچا سکتیں ۔