کراچی: پاکستان کرکٹ ٹیم کے مایہ ناز سابق کپتان اور فاسٹ باﺅلر وسیم اکرم کی اہلیہ شنیرا اکرم نے کہا ہے کہ میری بیٹی کے خون میں بھی کرکٹ کا جنون ہے ۔
وسیم اکرم نے گزشتہ روز اپنے تصدیق شدہ ٹوئٹر اکاو¿نٹ پر اپنی بیٹی عائلہ کی تصویر شیئر کی تھی جس میں انہوں نے کٹ پہنی ہوئی تھی اور وہ کرکٹ کھیلنے کیلئے بہت پرجوش تھی جبکہ سابق کپتان نے اپنے ٹوئٹ میں لکھا تھا کہ ’عائلہ اپنے والد کے ساتھ کرکٹ کھیلنے کیلئے بے حد پرجوش ہیں۔‘
اب وسیم اکرم کی اہلیہ شنیرا اکرم نے سابق فاسٹ باؤلر کے ٹویٹ پر ردعمل دیتے ہوئے کہا ہے کہ ’کرکٹ! عائلہ کے نام کے ساتھ جڑی ہے، عائلہ کے خون میں ہے۔ آئیے دیکھتے ہیں کہ کرکٹ کا جادو عائلہ کی رگوں میں چلتا ہے یا نہیں۔‘
واضح رہے کہ شنیرا اکرم گزشتہ برس سے بیٹی کے ہمراہ کورونا وبا کی وجہ سے عائد سفری پابندیوں کے باعث آسٹریلیا میں ہی پھنسی ہوئی ہیں اور قومی کرکٹ ٹیم کے سابق لیجنڈری کرکٹر وسیم اکرم طویل مدت بعد ان سے ملنے کیلئے گزشتہ روز ہی میلبورن پہنچے ہیں۔
