کارڈف : پاکستان کرکٹ ٹیم برمنگھم سے کارڈف پہنچ گئی ہے۔ ٹیم پیر کی صبح ساڑھے نو بجے سے دوپہر ساڑھے بارہ بجے تک پریکٹس کرے گی۔
پاکستان اور انگلینڈ کے درمیان چار میچوں کی سیریز کا تیسرا ٹی ٹوئنٹی انٹرنیشنل منگل کو کارڈف میں کھیلا جائے گا۔ انگلینڈ کو اسوقت سیریز میں ایک صفر کی برتری حاصل ہے۔
واضح رہے کہ سیریز کا پہلا میچ بارش کی نذر ہوگیا تھا جبکہ برمنگھم میں ہونے والے میچ میں انگلینڈ نے پاکستان کو 23 رنز سے شکست دے دی تھی۔
