لاہور:گلوکارہ آئمہ بیگ لائیوکنسٹر کے دوران مداحوں سے ناراض ہوگئیں ، شو چھوڑنے کی دھمکی دے دی لیکن سوری کہنے پر پرفارمنس جاری رکھی ۔
تفصیلات کے مطابق گلوکارہ آئمہ بیگ نےاپنے انسٹاگرام پر لائیو کانسرٹ کی ایک ویڈیو شیئر کی ہے جس میں ان کو کانسرٹ کے دوران مداحوں کے درمیان موجود ایک شخص کو اسٹیج سے دور رہنے کا کہتے سنا جاسکتا ہے۔
b11cfae081be28f8f2b653514557cbca
ویڈیو میں دیکھا جاسکتا ہےکہ دورانِ کانسرٹ آئمہ بیگ ایک شخص کو اسٹیج سے پیچھے ہٹنے کا کہہ رہی ہیں اور کانسرٹ میں شریک مداحوں سے بھی اسے پیچھے ہٹانے کا مطالبہ کررہی ہیں۔
آئمہ بیگ نے مداحوں سے مخاطب ہوتے ہوئے کہا کہ اگر بدتمیزی کروگے تو میں واپس چلی جاؤگی اور کسی ایک کی وجہ سے کانسرٹ میں موجود تمام اچھے لوگ جو انجوائے کرنے آئیں ہیں وہ بھی انجوائے نہیں کرپائیں گے۔
آئمہ کی ناراضگی کے بعد کانسرٹ میں موجود ان کے مداحوں نے ’سوری‘ کے نعرے لگائے جس پر گلوکارہ کا کہنا تھا کہ میں آپ کے لیے آئی ہوں تو پرفارم کرکے ہی جاؤں گی ۔
