برطانوی وزیراعظم کا پاک بھارت کشیدگی پر تحفظات کا اظہار

لندن:برطانوی وزیراعظم تھریسامے نے پاک بھارت کشیدگی پر تحفظات کا اظہار کر دیا ، کہا کہ صورتحال کا باریک بینی سے جائزہ لے رہے ہیں۔

تفصیلات کے مطابق برطانوی وزیراعظم تھریسا مے نے پارلیمنٹ میں اپنے خطاب کے دوران کہا ہے کہ پاکستان اور بھارت کے درمیان کشیدہ صورتحال کا سنجیدگی سے جائزہ لے رہے ہیں ۔

انھوں نے کہا کہ پاکستان اور بھارت ایٹمی قوت کے حامل ممالک ہیں ، دونوں کو علاقائی امن اور خطے کی سلامتی کو ملحوظ خاطر رکھنا چاہئے۔