اسلام آباد: پاکستان تحریک انصاف کے چیئرمین عمران خان کا کہنا ہے کہ ہمارے ملک کی مافیا نے یو اے ای میں اقامے حاصل کر رکھے ہیں کیونکہ اقامہ بھاگنے کا آسان راستہ ہوتا ہے۔
b583a4f17ec11a673dea209913bb9b47سماجی رابطے کی سائٹ ٹوئٹر پر اپنے بیان میں عمران خان کا کہنا تھا کہ وزیراعظم اور چند وزراء کی بددیانتی حیرت انگیز ہے اور ان لوگوں کے لیے بھی یہ حیرت کی بات ہے جو پیسوں کے لیے ان کی لالچ سے واقف ہیں۔
7dc356ef21e224b2a71433f3e3c39131عمران خان نے کہا کہ یواے ای کا مرکزی بینک کھاتہ داروں اور اقامہ رکھنے والوں کی تفصیلات دینے کا پابند نہیں تاہم بین الاقوامی معاہدے کے تحت یو اے ای کا مرکزی بینک غیر ملکیوں کے اکاونٹ کی تفصیلات دینے کا پابند ہے۔
یاد رہے وزیراعظم نواز شریف کے اقامہ کے بعد گزشتہ دنوں مسلم لیگ ن کے رہنما اور وفاقی وزیر احسن اقبال، وزیر دفاع خواجہ آصف کے اقامے منظر عام پر آئے۔ خواجہ آصف کو اقامہ 25 مئی 2011ء کو جاری ہوا تھا جس کی مدت 23 مئی 2012ء کو ختم ہوئی۔
گزشتہ روز سماجی رابطے کی ویب سائٹ ٹوئٹر پر اپنے ٹویٹ میں وفاقی وزیر احسن اقبال اعتراف کیا کہ وہ مدینہ منورہ میں 2004 سے 2006 تک کام کرتے رہے ہیں۔ کام چھوڑنے کے بعد بغیر کسی تنخواہ کے اقامہ ان کے پاس رہا۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
