لاہور: اداکار حمزہ علی عباسی کی اہلیہ نیمل خاور خان نے شوبز انڈسٹری چھوڑنے کا فیصلہ کر لیا۔حمزہ علی عباسی اور نیمل خاور خان کی شادی 25 اگست کو اسلام آباد میں ہوئی تھی اور اس سے قبل اُن کی شادی کی خبروں کے ساتھ ہی یہ خبر بھی سامنے آئی تھی کہ نیمل خاور خان شوبز انڈسٹری چھوڑ رہی ہیں لیکن نیمل خاور خان کی جانب سے اس بات کی تصدیق نہیں کی گئی تھی۔
گزشتہ روز انہوں نے اس خبر کی تصدیق کرتے ہوئے سماجی رابطے کی ویب سائٹ ٹوئٹر پر یہ اعلان کیا کہ وہ اب شوبز انڈسٹری چھوڑ رہی ہیں۔
143c6782b7705c0c8e2e27f7889b2d72
نیمل خاور خان نے اپنے پہلے ٹوئٹ میں سب کا شکریہ ادا کیا۔ انہوں نے لکھا کہ ’میں آپ سب کا شکریہ ادا کرتی ہوں کہ آپ سب نے میرے اور حمزہ کی زندگی کے نئے سفر کے آغاز کے لیے دُعائیں کی اور نیک خواہشات کا اظہار کیا‘۔
انہوں نے کہا کہ ’میری شادی خیر خیریت سے ہو گئی ہے اب میں اپنے مداحوں سے ایک اعلان کرنا چاہتی ہوں۔‘
e89946dbff023637a75c237cc00f5370
انہوں نے اپنے اگلے ٹوئٹ میں لکھا کہ’ میں اداکاری چھوڑ رہی ہوں اور اداکاری چھوڑنے کا فیصلہ میرا ذاتی ہے میں نے کسی کے دباؤ میں آکر یہ فیصلہ نہیں کیا۔ میں نے 9 ماہ قبل ہی اداکاری چھوڑ دی تھی‘۔
انہوں نے عوام سے اپیل کی کہ ’برائے مہربانی غلط اور سنسنی خیز خبریں نہ پھیلائیں۔‘
