ملک میں سونے کی قیمتوں میں دو دن میں 1900 روپے کا اضافہ

کراچی: ملک میں سونے کی قیمتوں میں دو روز کے دوران نمایاں اضافہ دیکھا گیا ہے۔ گزشتہ روز سونے کے نرخ میں ایک ہزار روپے کا اضافہ ہوا تھا، جس کے بعد آج مزید 900 روپے کے اضافے سے فی تولہ سونا 3 لاکھ 62 ہزار 600 روپے کی بلند سطح پر پہنچ گیا ہے۔

اسی طرح، دس گرام سونے کی قیمت میں بھی 772 روپے کا اضافہ ہوا ہے اور یہ اب 3 لاکھ 10 ہزار 871 روپے پر ٹریڈ کر رہا ہے۔

عالمی مارکیٹ میں بھی سونے کی قیمتوں میں بہتری دیکھی گئی ہے، جہاں فی اونس سونے کی قیمت میں 9 ڈالر کا اضافہ ہوا ہے اور یہ 3399 ڈالر کی سطح پر پہنچ گئی ہے۔

ماہرین کا کہنا ہے کہ عالمی سطح پر اقتصادی غیر یقینی صورتحال اور کرنسی مارکیٹ میں اتار چڑھاؤ کی وجہ سے سونے کی قیمتوں میں اضافہ جاری ہے، جس کے اثرات ملک کی مقامی مارکیٹ پر بھی مرتب ہو رہے ہیں۔