واشنگنٹن :امریکی ریاست ورجیینا میں کنفیڈریٹ اسٹیٹ آرمی جرنیل کے مجسمے کا پیڈسٹل توڑنے کے دوران تانبے کا ایک باکس دریافت کیا گیا ہے۔
اس حوالے سے ماہرین آثار قدیمہ امکان ظاہر کر رہے ہیں کہ یہ باکس 130 سال پہلے دفن کیا گیا تھا، بظاہر یہ دوسرا ٹائم کیپسول اس جگہ سے دریافت کیا گیا ہے۔
They found it! This is likely the time capsule everyone was looking for. Conservators studying it—stay tuned for next steps! (Won’t be opened today) pic.twitter.com/3lWrsPGZd2
— Governor Ralph Northam (@VAGovernor73) December 27, 2021
امریکی ریاست ورجینیا کے گورنر رالف نارتھم نے باکس کی تصاویر کے ساتھ ٹویٹ کرتے ہوئے لکھا کہ "یہ ممکنہ طور پر ٹائم کیپسول ہے جس کی ہر کوئی تلاش کر رہا تھا۔"
1887 کے ایک اخباری مضمون کے مطابق خانہ جنگی کے دوران شمالی ورجینیا کی فوج کی کمان کرنے والے جنرل رابرٹ ای لی کے مجسمے کے نیچے ٹائم کیپسول میں بٹن، گولیاں، کرنسی، نقشہ جات جیسے آثار سمیت ابراہم لنکن کی نایاب تصویر اور دیگر اشیاء موجود تھیں۔
X-rays give a first look inside the time capsule: Experts believe there may be coins, books, buttons, and even ammunition from the Civil War.
— Governor Ralph Northam (@VAGovernor73) December 27, 2021
The box will be opened tomorrow at 1:00 PM! pic.twitter.com/zyVWoHa61o
ورجینیا کے گورنر نے ایک اور ٹوئٹ کرتے ہوئے مزید بتایا کہ یہ باکس منگل کے روزکھولا جائے گا،انہوں نے کہا کہ، "ماہرین کا خیال ہے کہ یہاں سکے، کتابیں، بٹن اور یہاں تک کہ گولہ بارود بھی ہو سکتا ہے۔"
خیال رہے کہ مجسمے کی بنیاد سے جوتوں کے سائز کے ایک مختلف کنٹینر کو پچھلے ہفتےبھی کھولا گیا تھا لیکن واضح طور پر یہ ٹائم کیپسول نہیں تھا جس کا ذکر 1887 کے اخبار میں کیا گیا تھا۔
