اسلام آباد: بلاول بھٹو کا کہنا ہے کہ بھارت وزیراعظم عمران خان کی مذاکرات کی دعوت کا مثبت جواب دے اور اس سے پہلے کہ بہت دیر ہو جائے وقت ہاتھ سے نکل جائے۔
پاک بھارت کشیدگی پر چیئرمین پیپلز پارٹی بلاول بھٹو نے سوشل میڈیا کی ویب سائٹ پر ٹویٹ کرتے ہوئے کہا بھارت وزیراعظم عمران خان کی مذاکرات کی دعوت کا مثبت جواب دے اور اس سے پہلے کہ بہت دیر ہوجائے وقت ہاتھ سے نکل جائے۔
We don’t want to play into Modi’s hands. Proponents of peace in the region on both sides of the border must join in calling for cooler heads to prevail. The innocent people of India and Pakistan will be the collateral damage to any misadventure. 6/6
— BilawalBhuttoZardari (@BBhuttoZardari) February 26, 2019
انہوں نے کہا برصغیر کے نوجوانوں کو ہی اپنے خون کی صورت میں جنگ کی قیمت ادا کرنی پڑے گی جبکہ نوجوانوں کو اپنی نسلوں کیلئے آج ہی دوراندیشی سے فیصلہ کرنا ہوگا۔
خیال رہے وزیراعظم عمران خان نے گزشتہ روز قوم سے خطاب میں بھارت کو دوبارہ مذاکرات کی پیشکش کی اور کہا بھارت کو آج یہ بتا دیا کہ ہمارے پاس پوری صلاحیت موجود ہے۔ پلوامہ کے بعد بھارت کو تحقیقات کی پیشکش کی اور بھارت کو آفر کی اگر شواہد فراہم کرے تو ہم تعاون کیلئے تیار ہیں۔
