لاہور : وزیراعلیٰ پنجاب کی معاون خصوصی فردوس عاشق اعوان نے مسلم لیگ (ن) کی نائب صدر مریم نواز کی کورونا وائرس رپورٹ پر شک کا اظہار کر دیا۔
آزاد کشمیر میں بھرپور انتخابی مہم چلانے والی مسلم لیگ ن کی نائب صدر مریم نواز کی کورونا ٹیسٹ رپورٹ مثبت آنے پر رہنما پاکستان تحریک انصاف فردوس عاشق اعوان نے تنقید کی۔
معاون خصوصی برائے اطلاعات نے مریم نواز کی کورونا وائرس رپورٹ شک کا اظہار کرتے ہوئے کہا کہ اگر وہ کورونا وائرس سے متاثر ہیں تو تنہائی میں اپنی اداؤں پر غور کریں۔ کہیں ابا حضور جیسی رپورٹ تو نہیں۔
اس سے قبل ترجمان مسلم لیگ (ن) مریم اورنگزیب نے سماجی رابطے کی ویب سائٹ ٹوئٹر پر جاری اپنے بیان میں بتایا تھا کہ مریم نواز کا کورونا ٹیسٹ مثبت آیا ہے،جس پر انہوں نے خود کوقرنطینہ کرلیا ہے۔
71f8e839c6f94cdc8ed85ad097f7c91c
واضح رہے کہ مریم نواز آزاد کشمیر الیکشن میں انتہائی متحرک رہیں اور انہوں نے متعدد جلسوں سے خطاب کیا تھا اور حکومت پر خوب تنقید کے نشتر چلائے تھے۔
