جدہ:مکہ مکرمہ کی مقدس سر زمین پر مناسک حج آج بھی جاری،لبیک اللھم لبیک کی صدائیں، حجاج کرام مزدلفہ میں رات کھلے آسمان تلے گزارنے کے بعد منیٰ پہنچ گئے۔
حجاج کرام کا جمرات میں شیطان کو کنکریاں مارنے کا عمل جاری۔ قربانی کی ادائیگی کے بعد بال منڈوا کر احرام کھول دیں گے۔
e772616e4398eb65366dd7b2f53c60bd
سعودی قومی ادارہ شماریات نے اعلان کے مطابق اس سال کل 1,845,045 حجاج کرام نے فریضہ حج ادا کیا۔ جس میں سے بیرون ملک سے آنے والوں کی تعداد 1,660,915 ہے اور اندرون ملک سے آئے حجاج کی تعداد 184,130ہے۔
56f2be88420db97a40d4a653b6b64371
حرمین شریفین کے صدر نے تمام حجاج کرام کے لیے پیغام دیا کہ "میں عید الاضحی کے موقع پر مبارکباد پیش کرتا ہوں، اللہ آپ کی اور ہماری طرف سے (ان اعمال)کو قبول فرمائے
6fb2888a60d9ee61aed457c9f34b84f0
واضح رہے کہ رمی کے بعد حجاج خانہ کعبہ جا کر طواف زیارت کریں گے، صفا اور مروہ کے درمیان عام لباس میں سعی کریں گےاور واپس منیٰ جا کر ایام تشریق گزاریں گے ۔
