کراچی:میزبان و اداکار فہد مصطفیٰ کرکٹر فواد عالم کی حمایت میں بولتے ہوئے پی سی بی پر برس پڑے۔سماجی رابطے کی ویب سائٹ ٹوئٹر پر فہد مصطفی نے فواد عالم کی تصویر شیئر کی اور ساتھ ہی پی سی بی اور فواد عالم کو ٹیگ بھی کیا۔
IF Domestic performances doesnt count then whats the point of these tournaments...@iamfawadalam25 you are surely a deserving candidate atleast for the test squad ????????????@TheRealPCB i hope you are watching pic.twitter.com/SbVgKQDOVh
— Fahad Mustafa (@fahadmustafa26) November 27, 2019
فہد مصطفی نے اپنے ٹوئٹ میں لکھا کہ اگر ڈومیسٹک کرکٹ میں پرفارمنس اہمیت نہیں رکھتی تو ٹورنامنٹ کی کیا ضرورت ہے۔اداکار نے کہا فواد عالم اپنی کارکردگی پر ٹیسٹ کرکٹ میں شمولیت کا حق رکھتا ہے اورامید کرتا ہوں کہ پی سی بی اس معاملے کو دیکھے گا۔اس موقع پر فوادعالم نیٹوئٹر پیغام میں مداحوں اور دوستوں کا مبارکباد کے پیغامات بھیجنے پر شکریہ ادا کیا۔
واضح رہے کہ گزشتہ روز قائد اعظم ٹرافی کے نویں راو¿نڈ میں سندھ کی نمائندگی کرنے والے ٹیسٹ کرکٹر فواد عالم نے ڈبل سنچری اسکور کرنے کیساتھ ساتھ فرسٹ کلاس کرکٹ میں 12 ہزار رنز بھی مکمل کیے تھے۔ڈومیسٹک کرکٹ میں تسلسل کے ساتھ کارکردگی دکھانے کے باوجود بھی فواد عالم کو مسلسل نظر انداز کیا جارہا ہے۔
فواد عالم نے پاکستان کی جانب سے اپنا آخری ٹیسٹ دس سال قبل نیوزی لینڈ کے خلاف کھیلا تھا جبکہ آخری ون ڈے 2015 میں گرین شرٹس کی نمائندگی کی تھی۔
