سابق بھارتی کرکٹر عرفان پٹھان نے ورلڈ کپ سے پہلے ایک بار پھر لفظی جنگ چھیڑدی ہے ۔
سماجی رابطوں کی ویب سائٹ ایکس پر اپنی ایک پوسٹ میں انہوں نے لکھا کہ'' ہماری مہمان نوازی سے کافی لوگ سرپرائز ہیں ۔ ہم کرکٹ کے علاوہ دیگر شعبوں میں بھی اچھے میزبان ہیں ''۔
b38e4b5ac251b270fd1cf76c3efad82e
سابق کرکٹر کے اس ٹوئٹ پر کچھ مداحوں نے اسے طنزیہ قرار دیا جبکہ کچھ نے عرفان پٹھان کویاد کروایا کہ حیدر آباد میں قومی ٹیم کی آمد پر واحد پاکستانی چاچا بشیر استقبال کے لیے ائر پورٹ پر پاکستانی جھنڈے لیکر نعرے لگا رہا تھا ،جس سے جھنڈے لے لیے گئے ۔ اور اس پاکستانی جھنڈے کو لہرانے سے روک دیا گیا۔
7d5fd4308ce221c6c438b47dfaa6a25d
ایک صارف نے لکھا کہ ایشیا کپ میں اگر آپ آجاتے تو ہماری مہمان نوازی بھی دیکھ لیتے ۔
b9b46151c8684ebf9c5a9fb0290f10e9
ایک صارف نے لکھا کہ کیا تم کراچی بھول گئے ہو ۔ جہاں تم نے ہیٹرک کی تھی ۔ کیا اس وقت ہمارے شائقین نے آپ کو پذیرائی نہیں بخشی تھی ۔
مہمان نوازی تو بہت تگڑی کی تھی آپ کے اس پورے ٹور پر جہاں بھی آپ گئے عزت ہی ملی تھی ۔
