واشنگٹن : امریکی قانون سازوں نے صدر جوبائیڈن سے مطالبہ کیا ہے کہ وہ انتخابی دھاندلی کی تحقیقات تک نئی حکومت کو تسلیم نہ کریں۔
امریکی کانگریس کے ممبران نے جوبائیڈن انتظامیہ سے مطالبہ کیا ہے کہ وہ ’نئی حکومت کو اس وقت تک تسلیم نہ کریں جب تک کہ تحقیقات سے یہ ثابت نہ ہو جائے کہ انتخابات میں دھاندلی نہیں ہوئی۔
The results of Pakistan’s election should represent the will of the people.
— Congressman Greg Casar (@RepCasar) February 28, 2024
For the sake of democracy and all Pakistanis, we are calling on the Biden Administration to withhold recognition of a new government until an investigation determines the election was not rigged. pic.twitter.com/SeVoH2Bqxh
امریکی کانگریس مین گریگ کیسر اور کانگریس کے 30 دیگر اراکین کے دستخط کردہ ایک خط میں 8 فروری کے عام انتخابات سے قبل اور بعد میں دھاندلی کے بارے میں تشویش کا اظہار کیا گیا ہے۔
خط میں جوبائیڈن سے کہا گیا ہے کہ وہ ’پاکستانی حکام پر زور دیں کہ وہ ان تمام لوگوں کو رہا کریں جنہیں سیاسی تقریر یا سرگرمی میں ملوث ہونے پر حراست میں لیا گیا ہو۔
