نااہلی کیس، عمران خان نے منی ٹریل اور اضافی دستاویزات جمع کرا دیں

اہم خبریں پاکستان 
 
نااہلی کیس، عمران خان نے منی ٹریل اور اضافی دستاویزات جمع کرا دیں

اسلام آباد: سپریم کورٹ میں حنیف عباسی کی جانب دائر درخواست پر عمران خان کی جانب سے سپریم کورٹ میں منی ٹریل سمیت دیگر اضافی دستاویزات جمع کرا دی گئیں۔

دستاویز میں نیازی سروسز کو پاکستان میں ظاہر نہ کرنے سے متعلق وجوہات، ٹیکس، سٹیٹمنس ، راشد علی خان کی طرف سے بھجوائے گئے 20 ہزار پونڈز اور بارکلے بینک اکاؤنٹس کی تفصیلات بھی جمع کرائی گئی ہیں۔

ادھر چیئرمین تحریک انصاف عمران خان نے اپنے ٹویٹ میں کہا ہے کہ جے آئی ٹی نواز شریف کو بطور وزیر اعظم ٹیکس چوری، منی لانڈرنگ اور جھوٹ جیسے جرائم میں ملوث پائے گی۔

190 ملین پاؤنڈ ریفرنس: مزید چار گواہوں کے بیانات قلمبند ، سماعت 3 مئی تک ملتوی

کپتان کا مزید کہنا ہے کہ جو لوگ سمجھتے ہیں کہ وہ آگ سے کھیل رہے ہیں اور شاید نااہل قرار دے دیئے جائیں گے وہ سن لیں کہ پاکستان کو کرپٹ مافیا کے "گاڈ فادر" سے نجات دلانے کی یہ ایک حقیر سی قیمت ہو گی۔

دوسری جانب توہین عدالت پر عمران خان کی جانب سے ایڈوکیٹ شاہد گوندل اور فواد چوہدری نے الیکشن کمیشن میں جواب جمع کرا دیا۔ جس میں بتایا گیا ہے کہ وہ توہین عدالت کے مرتکب نہیں۔ تحریک انصاف الیکشن کمیشن کی مضبوطی کے لیے انتخابی اصلاحات کمیٹی میں کام کر رہی ہے۔

سنی اتحاد کونسل کے سربراہ حامد رضا کا پی ٹی آئی کو ایک بار پھر اسمبلیوں سے استعفے دینے کا مشورہ

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں