ویلنگٹن: نیوزی لینڈ کرکٹ ٹیم کے معروف بلے باز راس ٹیلر نے انٹرنیشنل کرکٹ سے ریٹائرمنٹ کا اعلان کردیا ہے۔
کیوی کرکٹر نے ٹوئٹر پر اپنی ریٹائرمنٹ سے متعلق پیغام میں لکھا کہ آج میں انٹرنیشنل کرکٹ سے اپنی ریٹائرمنٹ کا اعلان کر رہا ہوں، موجودہ سیزن کیریئر کا آخری سیزن ہوگا، بنگلہ دیش کیخلاف دو ٹیسٹ ، آسٹریلیا اور نیدر لینڈ کیخلاف 6 ایک روزہ انٹرنینشل میچز کے بعد کرکٹ کو خیر باد کہہ دوں گا۔کرکٹ کیرئیرمیں17 سال کی شاندار سپورٹ پر سب کا شکر گزار ہوں، انہوں نے مزید لکھا کہ اپنے ملک کی نمائندگی کرنا میرے لیے ہمیشہ اعزاز رہے گا۔
Today I'm announcing my retirement from international cricket at the conclusion of the home summer, two more tests against Bangladesh, and six odi’s against Australia & the Netherlands. Thank you for 17 years of incredible support. It’s been an honour to represent my country #234 pic.twitter.com/OTy1rsxkYp
— Ross Taylor (@RossLTaylor) December 29, 2021
راس ٹیلر نے اپنے 17 سالہ کرکٹ کیریئر میں اپنی ٹیم کی نمائندگی کرتے ہوئے کئی ریکارڈز اپنے نام کیے جن میں نیوزی لینڈ کی طرف سے سب سے زیادہ ٹیسٹ اور ون ڈے رنز بنانے کا اعزاز بھی حاصل ہے۔جبکہ نیوزی لینڈ کے سب زیادہ انٹرنیشنل سنچریاں بنانے والے کھلاڑی بھی راس ٹیلر ہیں۔
