پاکستان میں غربت کے خاتمے کیلیے عمران خان کاویژن قابل تعریف ہے: چینی سفیر

اسلام آباد:چین کے سفیر کی بنی گالہ آمدچیئرمین عمران خان سےملاقات ہوئی جس میں سینیررہنما جہانگیر ترین اور ڈاکٹرشہزاد وسیم بھی موجود تھے۔پی ٹی آئی اعلامیے کے مطابق چین کے سفیر نے پی ٹی آئی چیئرمین عمران خان کیساتھ بنی گالہ میں ملاقات کی اور انتخابات 2018 میں کامیابی پرچینی کمیونسٹ پارٹی کی قیادت کی جانب سے مبارکباد دی ۔

یہ بھی پڑھیں:تحریک انصاف کا حکومت بنانے کیلئے نمبر گیم مکمل کرنے کا دعویٰ

چینی سفیر کاانتخابات کےبعدخطاب میں چین سےمتعلق خیالات کاخیرمقدم کیا ۔چینی سفیر نے کہا کہ پاکستان ،چین کے بانیان کی جدوجہد تاریخ میں منفرد مقام رکھتی ہے۔چینی سفیر نے یہ بھی کہا کہ اصلاحات،قانون کی بالادستی کیلیےپی ٹی آئی کےویژن کی حمایت کرتےہیں۔پاکستان میں غربت کے خاتمے کیلیے عمران خان کاویژن قابل تعریف ہے۔انہوں نے کہا کہ معیشت،سفارت،عالمی معاملات میں پاکستان کی معاونت جاری رکھیں گے۔

Amb.YaoJing and Deputy Cheif Lijian @zlj517 called on @ImranKhanPTI, Chairman of @PTIofficial. Yao highly appreciates Imran Khan's positive remarks on China-Pakistan relations and is willing to work together with the new government to push China-Pakistan relations to a new level pic.twitter.com/vicXGTjHYH

— Chinese Emb Pakistan (@CathayPak) July 30, 2018

ملاقات کے بعد عمران خان نے کہا کہ غربت کے خاتمے کیلیے چین کے تجربات سے بھرپوراستفادہ کریں گے۔تحریک انصاف چین،پاکستان تعلقات کونہایت اہمیت کی نگاہ سےدیکھتی ہے۔عمران خان کاتہنیتی پیغامات اورنیک تمناؤں کے اظہارپر چینی قیادت کا شکریہ بھی ادا کیا۔عمران خان نے کہا کہ تحفظ ماحولیات کیلیے چین سےاشتراک میں دلچسپی رکھتے ہیں۔

نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ  کریں