لاہور: ایشیا کپ میں فاتحانہ آغاز کے بعد پاکستان کرکٹ ٹیم سری لنکا پہنچ گئی۔ گرین شرٹس کا اگلا مقابلہ روایتی حریف بھارت کے ساتھ 2 ستمبر کو سری لنکا کے کینڈی میں ہے۔
پی سی بی کے مطابق قومی کرکٹ ٹیم رات 3 بجے چارٹرڈ فلائٹ سے روانہ ہوئی، جمعے کو پاکستانی ٹیم پالے کیلے انٹرنیشنل کرکٹ اسٹیڈیم میں شام 6 بجے سے رات 8 بجے تک ٹریننگ کرے گی۔
The boys have arrived in Sri Lanka for their second match of the Asia Cup ????#AsiaCup2023 | #BackTheBoysInGreen pic.twitter.com/NCNj9EtwjL
— Pakistan Cricket (@TheRealPCB) August 31, 2023
پاکستان اور بھارت کے درمیان ایشیا کپ کا میچ 2 ستمبر کو پالے کیلے انٹرنیشنل اسٹیڈیم میں کھیلا جائے گا۔
یاد رہے کہ گرین شرٹس نے ایشیا کپ کا شاندار آغاز کرتے ہوئے افتتاحی میچ میں نیپال کی کرکٹ ٹیم کو 238 رنز سے شکست دی تھی۔ پاکستان نے ٹاس جیت کر پہلے بیٹنگ کرتے ہوئے 342 رنز بنائے جبکہ نیپالی ٹیم صرف 104 رنز بنا کر ڈھیر ہو گئی۔
