لاہور: قومی کرکٹ ٹیم کے فاسٹ بولر وہاب ریاض کے والد انتقال کر گئے وہاب ریاض کے والد سکندر ریاض کسانہ کئی روز قبل بلڈ پریشر مسائل کی وجہ سے مقامی ہسپتال میں زیر علاج تھے۔ پیسر بھی کچھ دنوں سے اپنے سوشل میڈیا اکائونٹ پر مداحوں سے والد کی علالت کی اطلاع کے ساتھ ان کی صحت یابی کیلئے اپیل کر رہے تھے لیکن منگل کے روز وہ انتقال کر گئے۔
Please every1 pray for my Dad. He is not well at all n his BP level is not getting controlled. Please pray for his life and health
— Wahab Riaz (@WahabViki) January 29, 2017
اپنے ٹویٹ میں وہاب ریاض نے اپنے والد کی صحتیابی کیلئے دعا کی اپیل تھی اور کہا تھا کہ وہ ٹھیک نہیں ہیں اور ان کا بلڈ پریشر کنٹرول نہیں ہو پا رہا۔ فاسٹ بالر نے مداحوں سے اپیل کی تھی کہ ان کی اچھی صحت اور زندگی کیلئے دعا کریں۔وہاب ریاض کے والد کے انتقال کی خبر ملتے ہی عزیرواقارب اور مداحوں کی بڑی تعداد ان کی رہائشگاہ پہنچ گئی۔وقار یونس، اسد شفیق، اظہر محمود، سہیل تنویر، کامران اکمل، عمر گل، اظہر علی اور دیگر نے وہاب ریاض اور ان کے اہلخانہ کے ساتھ اظہار تعزیت کیا ہے۔