پی ڈی ایم اور پیپلز پارٹی کے بعد جماعت اسلامی کا بھی اسلام آباد کی طرف لانگ مارچ کا اعلان 

لاہور: پی ڈی ایم اور پیپلزپارٹی کے بعد جماعت اسلامی نے بھی عمران خان کی حکومت کے خلاف اسلام آباد کی طرف لانگ مارچ کا اعلان کردیا ہے۔ 

ترجمان جماعت اسلامی قیصر شریف نے اپنے ٹویٹ میں کہا کہ جماعت اسلامی 6 فروری کو گجرات سے حکومت مخالف تحریک کے سلسلے میں دھرنوں کا آغاز کرے گی۔

جماعت اسلامی 6 فروری گجرات سے حکومت مخالف تحریک کے سلسلے میں دھرنوں کا آغاز کرے گی۔ملک بھر میں 100 دھرنوں کے بعد 101 ویں دھرنے کے لیے اسلام آباد کی طرف مارچ کریں گے۔ مہنگائی۔بے روز گاری،کرپشن کی سونامی نے عوام کی زندگی اجیرن بنادی ہے@JIPOfficial

— Qaisar Sharif (@Qaisarsharif555) January 31, 2022

انہوں نے کہا کہ ملک بھر میں 100 دھرنوں کے بعد 101 ویں دھرنے کے لیے اسلام آباد کی طرف مارچ کریں گے۔ مہنگائی، بے روز گاری،کرپشن کی سونامی نے عوام کی زندگی اجیرن بنادی ہے۔

واضح  رہے کہ پاکستان ڈیموکریٹک موومنٹ نے 23 مارچ اور پاکستان پیپلز پارٹی نے 27 فروری کو اسلام آباد کی طرف لانگ مارچ کا اعلان کر رکھا ہے۔