استبول: ترکیہ کی مرکزی اپوزیشن جماعت نے استنبول اور انقرہ میں بلدیاتی انتخابات ایک بڑی تاریخی کامیابی کے ساتھ جیت لیے۔ اس جیت نے صدر رجب طیب اردوغان اور ان کی جسٹس اینڈ ڈیولپمنٹ پارٹی (اے کے پارٹی) کو دو دہائیوں سے زائد عرصے میں سب سے بڑی شکست دی ہے۔
استنبول میں اتوار کو 95 فیصد سے زیادہ بیلٹ بکس کھلنے کے ساتھ، ترکیےہ کی اپوزیشن پارٹی ریپبلکن پیپلز پارٹی (CHP) کے میئر اکرام اماموگلو نے استنبول کے میئر کا انتخاب جیت لیا ہے۔ ایک تقریر میں انہوں نے کہا کہ انہوں نے اردگان کی حکمران اے کے پارٹی کے امیدوار کو 10 لاکھ سے زیادہ ووٹوں سے شکست دی ہے۔
اماموگلو نے ہزاروں حامیوں سے خطاب کرتے ہوئے کہا کہ”جو لوگ قوم کے پیغام کو نہیں سمجھتے وہ آخر کار ہار جائیں گے،"
"آج رات، استنبول کے 16 ملین شہریوں نے ہمارے حریفوں اور صدر دونوں کو پیغام بھیجا ہے۔“
دارالحکومت انقرہ میں، CHP کے میئر منصور یاواس نے اپنے حریف پر فتح کا دعویٰ کیا، اور اس نتیجے کو ”اس ملک پر حکمرانی کرنے والوں کے لیے واضح پیغام“ قرار دیا۔
سرکاری میڈیا نے رپورٹ کیا کہ ترکی کے تیسرے شہر ازمیر میں بھی CHP آگے تھی۔مجموعی طور پر، CHP ترکیہ کے 81 میں سے 36 صوبوں میں آگے رہا۔
حزب اختلاف کے حامی نتائج کا جشن منانے کے لیے استنبول میں جمع ہوئے، ہزاروں افراد نے مشعلیں روشن کیں اور ترک پرچم لہرائے۔
صدارتی محل کی بالکونی سے دیے گئے ایک خطاب میں اردوغان نے اعتراف کیا کہ ان کی پارٹی ملک بھر میں”اونچائی کھو چکی ہے“ اور کہا کہ وہ خود غور کریں گے اور کسی بھی غلطی کی اصلاح کریں گے۔انہوں نے کہا کہ ہم اپنی غلطیوں کو درست کریں گے اور اپنی کوتاہیوں کا ازالہ کریں گے۔
یاد رہے کہ 2019 میں پچھلے بلدیاتی انتخابات میں بھی اماموگلو نے استنبول کی میئر کی دوڑ جیتی تھی، اور اردوغان اور اس کی اے کے پارٹی کو اس وقت تک کا سب سے بڑا انتخابی دھچکا لگا۔ جو شہر میں پیدا ہوئے اور پلے بڑھے اور 1990 کی دہائی میں اس کے میئر کے طور پر خدمات انجام دے چکے ہیں۔
واضح رہے کہ اتوار کے روز تقریباً 61 ملین افراد ترکی کے 81 صوبوں کے میئرز کے ساتھ ساتھ صوبائی کونسل کے اراکین اور دیگر مقامی عہدیداروں کے لیے ووٹ ڈالنے کے اہل تھے۔
ملک گیر بلدیاتی انتخابات کو تجزیہ کاروں اور عام شہریوں نے اردگان کی حمایت اور حزب اختلاف کی استحکام دونوں کو آسمان چھوتی مہنگائی اور ڈالر کے مقابلے میں ترک کرنسی کی گرتی ہوئی کمی کے نظر سے دیکھ رہے ہیں۔
