راولپنڈی: نئے سال کی آمد پر اپنے پیغام میں آرمی چیف جنرل قمر جاوید باجوہ کا کہنا ہے کہ 2017 کا یادگار سال اختتام پذیر ہوا اور 2018 چیلنجز کے ساتھ انتہائی اہمیت کا حامل ہے۔
“A momentous year is over. 2018 is of immense significance for Pak both internally & externally with monumental challenges. Challenges are convertible into opportunities. Part we have done, remaining we can, and shall do together, IA. Nothing can defeat the spirit of Pak” COAS. pic.twitter.com/gnFOrgXuPW
— Maj Gen Asif Ghafoor (@OfficialDGISPR) December 31, 2017
ڈی جی آئی ایس پی آر میجر جنرل آصف غفور نے ٹوئٹر پر آرمی چیف کا پیغام پہنچایا جس میں ان کا کہنا تھا کہ 2018 میں اندرونی اور بیرونی سطح پر چیلنجز ہوں گے۔ آرمی چیف نے کہا کہ پاکستان کے جذبے کی طاقت کوکوئی شکست نہیں دے سکتا، چیلنجز کو مواقع میں تبدیل کیا جاسکتا ہے۔
بعد ازاں پاک فوج کے ترجمان نے اپنی ایک اور ٹوئیٹ میں کہا کہ آج ملک بھر میں جو خوشیاں منائی جا رہی ہیں وہ بطور قوم ہمارے عزم اور کامیابیوں کی عکاس ہیں۔ انھوں نے کہا کہ ہم ان خوشیوں کے لیے ان کے شکرگزار ہیں جنھوں نے ہمارے لیے اپنی زندگیوں اور خون کی قربانی دی۔
The jubilations and celebrations we see across the country tonight are indicative of our achievements and resolve as a nation. We owe it to them who gave their blood and lives for us. Remembering and thanking our ‘Ghazis & Shuhada’ for their noble sacrifices. pic.twitter.com/szJAmzOjzo
— Maj Gen Asif Ghafoor (@OfficialDGISPR) December 31, 2017
ڈی جی آئی ایس پی آر کا مزید کہنا تھا کہ ہم اس موقع پر اپنے غازیوں اور شہداء کو یاد کر رہے ہیں اور ان کی قربانیوں پر ان کے شکرگزار ہیں۔ پاکستان میں سال 2018 کا آغاز ہوگیا ہےجس کی آمد پر ملک کے مختلف شہروں میں آتشبازی کا شاندار مظاہرہ کیا گیا۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
