ایران پر حملے افسوسناک، احتجاج پرامن رہنے کی اپیل:خواجہ آصف 

اسلام آباد: سابق وزیر دفاع اور پاکستان مسلم لیگ (ن) کے رہنما خواجہ آصف نے ایکس پر کہا ہے کہ ایران پر حالیہ حملے انتہائی افسوسناک ہیں اور اس پر ہمیں دلی رنج ہے۔خواجہ آصف نے کہا کہ پاکستان نے ہر ممکن سفارتی اور اخلاقی طریقے سے ایران کی حمایت کی ہے اور اقوام متحدہ میں بھی واضح طور پر ایران کے خلاف حملے کی مذمت کی گئی ہے۔
انہوں نے مذہبی جماعتوں اور عوام سے اپیل کی کہ وہ تحمل کا مظاہرہ کریں اور کسی بھی قسم کی شدت یا قانون کو ہاتھ میں لینے سے گریز کریں، کیونکہ ایسا دشمن کے منصوبوں کو فائدہ دے گا۔
خواجہ آصف نے زور دیا کہ احتجاج کو پرامن انداز میں رکھنا اور ملک کے اندر بدامنی یا نقصان سے بچنا ہر شہری کی ذمہ داری ہے۔ ان کے بقول، قومی اتحاد اور استحکام ہی اس وقت پاکستان کی اصل طاقت ہے۔